वामपन्थ द लेफ्ट अन्तर-संवाद शृङ्खला 1 एम सि सि को बिरोध किन?
मिलेनिएम च्यालेन्ज कर्पोरेसन (MCC) कम्प्याक्ट सेप्टेम्बर २०१७ मा नेपालको गरीबी अन्त्यको लागि सडक तथा विधुत पूर्वाधार निर्माणमा लगानी गर्ने गरी नेपाल सरकारसँग सम्झौता गरेको र अमेरिकी पक्षको सर्त सहित् संसदबाट पारित हुनुपर्ने भनेपछि एमसीसी को बहस सदन देखी सडक सम्म चर्किएको हो। अहिले नेपालका राजनीतिक दल, नागरिक समाज र मिडिया यसको पक्ष विपक्षमा विभक्त भएका छन् । अमेरिकाले दिने भनेको ५०० मिलिएन डलर रकम लगानी या अनुदान के हो भन्ने कुरा नै विवादित बन्दै आएको छ, विगत ७० बर्ष देखी विकासको साझेदारी गर्दै आएको अमेरिकाले एमसीसी लाई किन सदनबाट पारित गरी लागु गर्न चाहन्छ भन्ने प्रश्नले पनि यो शंका र विवादको घेरामा फसेको छ। यसै विचमा वामपन्थ (The Left) ले यस विषयमा आफ्नो बिचारहरु प्रखर रुपमा राख्दै आउनुभएका नेपालका प्राज्ञिक वर्गका व्यक्तित्वहरुसँग अन्तरक्रिया गरेको छ । यस अन्तर संवादमा प्रस्तोता र प्यानलिस्ट वक्ताहरु हरि रोका, पीताम्बर शर्मा, सूर्यराज आचार्य, दीपेन्द्र बहादुर छेत्री, मीन बहादुर श्रेष्ठ, रत्न संसार श्रेष्ठ लगायत अन्य सहभागी वक्ताहरु निनु चापाँगाई, ओम गुरुंग, रामराज रेग्मि, शरद वन्त आदी रहनुभएको थियो। यस अन्तर–संवादको सहजकर्ता वरिष्ठ पत्रकार श्याम श्रेष्ठले गर्नु भएको थियो । यस संवादको रेकर्ड यहाँ प्रस्तुत गरिएको छ।
