info@bampanththeleft.com

Bampanth The Left

ओथारो

मैले उठाएँ ज्याबल
गोढमेल गरेँ भुइँका झारपात
मानिसहरूका टिठलाग्दा अनुहारमा
पोतिदिएँ आस्थाको नाममा
आशाको रक्तिम सिन्दुर
सफा आकाश र कुहिरो लागेको बस्तीभरि
ओछ्याएँ अनेक रङ्गका चकटी
अनेक सपनाका अगुल्टाहरू जोडेर अगेनोमा बसालेँ
स्वायत्त खड्कुँलोमा
मनचिन्ते भोज

म चढ्दै गएँ पहाड
जब पुगेँ टाकुरोमा
वैभव र ऐश्वर्यको लम्पट
आँखीझ्यालबाट हेरेँ
कुहिरो लागेको बस्तीभित्र
देखिन मैले कुनै रङ्ग
निस्पृह हुँदै गयो
मेरो चेतनाको मुहान
कालान्तरमा मैले
आफ्नै शिर वरिपरि छामेँ
जड चिन्तनका कोषिकाहरू हेरेँ
बाँध फुटेको कुलोमा पानी बगेझैँ
चेतनाको रक्तश्राव
र क्षत-विक्षत देखेँ
मस्तिष्कभित्र विचार कोरल्ने ओथारो ।

चितवनमा रहेर साहित्य साधना गर्नुहुने प्रगतिशील साहित्यकार रेशम विरही साहित्य सँगसँगै पत्रकारितामा पनि सक्रिय हुनुहुन्छ । उहाँ ५० वर्षभन्दा लामो समयदेखि कविता, निबन्ध र उपन्यास लेखनमा सक्रिय हुनुहुन्छ । २०२६ सालदेखिनै वामपन्थी राजनीतिमा संलग्न रही जेल र निर्वासन भोग्नुभएका विरहीका हालसम्म सातवटा कविता सङ्ग्रह, दुईवटा निबन्ध सङ्ग्रह, एउटा उपन्यास गरी दशवटा कृति प्रकाशित छन् । उहाँले आरन, गोधूली र दौँतरीजस्ता साहित्यिक पत्रिकाको सम्पादन पनि गर्नुभएको छ ।

Author

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ

Bampanth The Left
About Us

Bampanth_The Left is a quarterly academic magazine published from Kathmandu. It is registered under the Sambad Publication following the provision mentioned in The Press and Publication Act 1991. The magazine aspires to serve as a bridge between scholars and activists to deepen our understanding of the socialism oriented socio-political transformation of Nepali society.

Read More
Contact

Sambad Publications
Satdobato, Lalitpur-15
+977 9856020298

Write to us

info@bampanththeleft.com

Social

Facebook
Twitter

Our Team

Advisors:
Pitamber Sharma
Deependra Kshetri
Prabhat Patnaik
Cheng Enfu

Editor-in-Chief:
Mahesh Maskey

Executive Editor:
Bikash Dhakal

Managing Editor:
Puran KC

Editors:
Sudeep Shrestha
Sara Devkota

Co-Editor:
Bishnu Adhikari